✅НҮБ-ын Хүүхдийн эрхийн конвенц, Хүүхдийн эрхийн тухай хуулийн 14 дүгээр зүйлийн 14.1.4, Хүүхэд хамгааллын тухай хуулийн 55.2.3, Хохирогчийг түр хамгаалан байрлуулах үйлчилгээнд тавих нийтлэг шаардлага MNS6040:2019 стандартыг үндэслэн Хүүхдийн эрхийн улсын байцаагч К.Рина төлөвлөгөөт хяналт шалгалтын ажлыг зохион байгууллаа. ✅Түр хамгаалах байраар үйлчлүүлж буй хүүхдийн хууль тогтоомжоор баталгаажсан хүүхдийн эрх, хамгааллын хэрэгжилт, хүүхдийн эрх зөрчигдөхөөс урьдчилан сэргийлэх зорилгоор уг хяналт шалгалтыг хийсэн байна. ✅2025 оны байдлаар тус түр хамгаалах байраар 13 насанд хүрэгч, 77 хүүхэд үйлчлүүлж хүүхэд хамгааллын үйлчилгээ авсан байна.

✅2025-2026 оны хичээлийн шинэ жил эхэлсэнтэй холбогдуулан Дархан-Уул аймагт үйл ажиллагаа эрхэлж байгаа хүүхэд харах үйлчилгээний төвд Хүүхэд харах үйлчилгээний тухай хууль, хүүхэд харах үйлчилгээнд тавих нийтлэг шаардлага MNS6540:2015 стандартын хүрээнд төлөвлөгөөт хяналт шалгалтын ажлыг Хүүхдийн эрхийн улсын байцаагч К.Рина, Хяналт-шинжилгээ, үнэлгээ, мэдээллийн сан хариуцсан мэргэжилтэн Б.Дагиймаа нар зохион байгууллаа. ✅Манай аймгийн хэмжээнд “ОД” нэртэйгээр 1 хүүхэд харах үйлчилгээний төв өнөөдрийн байдлаар үйл ажиллагаа эрхэлж байгаа бөгөөд тус төвд 8 хүүхэд хамрагдаж байна. Хүүхэд харах үйлчилгээнд тавих нийтлэг шаардлагад нэг хүүхэд харагчид оногдох хүүхдийн тоо 5, нэг байранд хамрагдах хүүхдийн тооны дээд хязгаар 15 байхаар заасан байдаг. ✅Шалгалтаар илэрсэн зөрчил, дутагдлыг арилгах зөвлөмж өгч, цаашид анхаарах асуудалд мэргэжил арга зүйн дэмжлэг үзүүлж ажиллалаа.

Бага насны хүүхдийн цогц хөгжлийг дэмжих үндэсний хөтөлбөрийн хүрээнд Дархан-Уул аймгийн Хүүхэд, гэр бүлийн хөгжил, хамгааллын газраас “Аз жаргалын дасгалжуулагч” ТББ-тай хамтран цэцэрлэг, сургуулиудын бага насны хүүхэдтэй эцэг эх, асран хамгаалагч нарт сургалт зохион байгуулагдаж байна. Сургалтын хүрээнд “Бага насны хүүхдийн цогц хөгжил” буюу бага насны хүүхдийн хөгжил боловсрол , эрүүл мэнд, асаргаа халамж, хүүхэд хамгаалал, зохистой хоол тэжээлийн талаар мэдлэг мэдээллийг нэмэгдүүлж, аливаа эрсдэлээс урьдчилан сэргийлэх, багш, эцэг эх, асран хамгаалагч, хүүхдийн хамтын үйл ажиллагааг нэмэгдүүлэхэд чиглэсэн мэдээллийг хүргэлээ.

Хүүхдийн байгууллага, хөдөлгөөн үүсэж, хөгжсөний 100 жилийн ойн өдөр хүүхдийн байгууллагад үр бүтээлтэй ажилласан эрхмүүдийг өнөөдөр /2025.05.08/ Монгол Улсын Ерөнхийлөгчийн зарлигаар төрийн дээд одон медалиар шагнаж урамшууллаа.

Дархан-Уул аймгийн Хүүхэд, гэр бүлийн хөгжил, хамгааллын газраас олон улсын гэр бүлийн өдрийг угтан “10 зүрх 1 тойрог” гэр бүлийн өдөрлөгийг зохион байгуулж байна. Тус өдөрлөг 3 өдрийн турш үргэлжлэх бөгөөд эхний шатанд Ээж-Хүүхэд-ийн хөтөлбөр явагдаж байна. Хөтөлбөрийн хүрээнд: - [ ] Ээжүүдийг оролцуулсан бүлгийн зөвлөгөөн, иога-ийн хичээл - [ ] Хүүхэдтэйгээ хамт цагийг хөгжилтэй өнгөрүүлэх арт терапи үйл ажиллагаа - [ ] Хүүхэдтэйгээ ярилцах, харилцан ойлголцох, хүндлэх зорилготой “Бидний хооронд…?” захидал бичих цаг гэх мэт хүүхэдтэйгээ хамт бүтээх нандин дурсамж дүүрэн гэр бүл рүү чиглэсэн эерэг үйл ажиллагаа юм. ХҮҮХЭД-ХАЙР-ИРЭЭДҮЙ❤️

Дархан-Уул аймгийн Хүүхэд, гэр бүлийн хөгжил, хамгааллын газраас олон улсын гэр бүлийн өдрийг угтан “10 зүрх 1 тойрог” гэр бүлийн өдөрлөгийг зохион байгуулж байна. Тус өдөрлөг 3 өдрийн турш үргэлжлэх бөгөөд эхний шатанд Ээж-Хүүхэд-ийн хөтөлбөр явагдаж байна. Хөтөлбөрийн хүрээнд: - [ ] Ээжүүдийг оролцуулсан бүлгийн зөвлөгөөн, иога-ийн хичээл - [ ] Хүүхэдтэйгээ хамт цагийг хөгжилтэй өнгөрүүлэх арт терапи үйл ажиллагаа - [ ] Хүүхэдтэйгээ ярилцах, харилцан ойлголцох, хүндлэх зорилготой “Бидний хооронд…?” захидал бичих цаг гэх мэт хүүхэдтэйгээ хамт бүтээх нандин дурсамж дүүрэн гэр бүл рүү чиглэсэн эерэг үйл ажиллагаа юм. ХҮҮХЭД-ХАЙР-ИРЭЭДҮЙ❤️

Жил бүрийн дөрөвдүгээр сарын 30-ныг “Хүүхдийг зодож шийтгэхийг таслан зогсоох олон улсын өдөр” болгон Хүүхдийн эрхийн тухай Конвенцид нэгдсэн улс орнууд 1998 оноос тэмдэглэж ирсэн. Монгол Улсад 2006 оноос энэхүү өдрийг тэмдэглэн олон нийтэд танилцуулж хүүхдийг эерэг аргаар хүмүүжүүлэхийг уриалдаг. Хүүхдээ зодож шийтгэх бус эерэг аргаар хүмүүжүүлж хүүхдийн эсрэг хүчирхийллийг таслан зогсооё!

Нисгэгчгүй нисэх хэрэгслийн спорт буюу дроны өсвөрийн улсын аварга шалгаруулах шалгаруулах “DroneX Mongolia-2025” тэмцээн Дархан-Уул аймагт зохион байгуулагдлаа. Тус тэмцээн анх удаа болж байгаагаараа онцлог бөгөөд цаашид жил бүр зохион байгуулахаар төлөвлөж байгааг тэмцээний байгуулагч нар онцолж байлаа. Олон улсын стандартад нийцсэн хамгаалалтын тортой талбайд оролцогч нар зассан саад дундуур өгсөх уруудах нислэг үйлдэж, объектыг бүтэн тойрог эргэх даалгаваруудыг гүйцэтгэжээ.

Дархан-Уул аймгийн хүүхдийн бүсчилсэн чуулган Орхон сумын ЕБ-ын 8 дугаар сургууль дээр 5-12 дугаар ангийн 160 гаруй сурагчдын дунд амжилттай зохион байгуулагдлаа. Тус чуулганд Орхон ИТХ-ын дарга Б.Мөнхбаяр, Засаг дарга, Хүүхдийн төлөө зөвлөлийн тэргүүн Б.Түмэнцогт тэргүүтэй орон нутгийн төр, төсвийн байгууллагын удирдлагууд оролцож өсвөр үеийнхний тулгамдаж байгаа асуудлыг сонсож санал бодлоо илэрхийллээ. Мөн чуулганд оролцож буй хүүхдүүд “Бидний нүдээр- бидний ирээдүй” сэдэвт ханын самбарыг байрлуулан түүн дээр зурсан зургаараа эргэн тойронд тулгамдаж байгаа асуудлууд болон орон нутгийн хөгжилд тулгамдаж байгаа асуудлууд, мөн гарц шийдлийг зургаар илэрхийлсэн байна.

2007 оноос НҮБ-ын Ерөнхий Ассамблейн шийдвэрээр бүх гишүүн орнуудыг жил бүрийн 4 дүгээр сарын 2-ны өдрийг “Аутизмыг таниулах дэлхийн өдөр” болгон аутизмын хүрээний эмгэгтэй хүмүүсийг ойлгуулж таниулах арга хэмжээ авахыг уриалсан байдаг. Энэ хүрээнд 4 дүгээр сарыг Аутизмыг таниулах сарын аян болгон өрнүүлдэг билээ. Өнөөдөр аймгийн Хөгжлийн бэрхшээлтэй хүний хөгжлийн төв, ДУА-ын Аутизмын холбоо хамтран "Автобустай аялал" хийж Хүүхэд, гэр бүлийн хөгжил хамгааллын газраар зочиллоо.

Дархан-Уул аймгийн Хүүхэд, гэр бүлийн хөгжил, хамгааллын газраас санаачлан олон улсын “ГЭР БҮЛ”-ийн өдрийг угтан “10 зүрх, 1 тойрог” гэр бүлийн өдөрлөгийг зохион байгуулах гэж байна. Дээрх 3 өдрийн хөтөлбөрт хамрагдах хүсэлтэй сургуулийн насны хүүхэдтэй эцэг эх, асран хамгаалагчид доорх холбоос болон мөн зураг дээрх QR кодыг уншуулан бүртгүүлэх боломжтой юм. https://docs.google.com/.../1FAIpQLSf25SKFDQR.../viewform... “10 зүрх, 1 тойрог” хөтөлбөрт хамрагдсанаар эцэг, эхчүүдэд сэтгэл зүйн зөвлөгөө үзүүлэх, хүүхдүүдтэйгээ чанартай цагийг өнгөрөөх, гэр бүлийн уур амьсгалт эерэг өөрчлөлт гарах ач холбогдолтой юм.

Дархан-Уул аймгийн ХГБХХГ-аас санаачлан Аз жаргалын дасгалжуулагч ТББ-тай хамтран “Од” сургуулийн дунд ангийн 43 сурагчийн дунд “Өөрчлөлтийг өөртөө хүсье” сургалт нөлөөллийн арга хэмжээг зохион байгууллаа. Сургалтын хүрээнд бусдыг хүлээн зөвшөөрөх, өөрийгөө хайрлах, гэр бүлээ хайрлах, цахим хэрэглээний соёлд суралцах талаарх мэдээллийг өсвөр үеийнхний онцлог, тэдний сонирхолд тулгуурлан хүргэлээ.

Тус байгууллага нь 23 ажилтан албан хаагчтай бөгөөд байгууллагын дэргэдэх эцэг эхийн зөвлөлийг 5 гишүүнтэйгээр шинэчилэн байгуулжээ. Эцэг эхийн зөвлөлөөс хүүхэд хамгааллын бодлогын хүрээнд 2025 онд ажилчдын хүүхдэд зориулсан “Хүүхдийн өрөө”-тэй болохоор нэг өрөөг тусгайлан гаргасан байна. Одоогийн байдлаар тохижилтын шатандаа үргэлжилж байна. Мөн ажилчдад зориулсан гэр бүлийн үнэ цэн, хүүхэд хамгаалал, гэмт хэргээс урьдчилан сэргийлэх, сэтгэл зүйн чиглэлээр сургалтуудыг улирал бүр зохион байгуулахаар төлөвлөжээ. Тус байгууллага нь 23 ажилтан албан хаагчтай бөгөөд байгууллагын дэргэдэх эцэг эхийн зөвлөлийг 5 гишүүнтэйгээр шинэчилэн байгуулжээ. Эцэг эхийн зөвлөлөөс хүүхэд хамгааллын бодлогын хүрээнд 2025 онд ажилчдын хүүхдэд зориулсан “Хүүхдийн өрөө”-тэй болохоор нэг өрөөг тусгайлан гаргасан байна. Одоогийн байдлаар тохижилтын шатандаа үргэлжилж байна. Мөн ажилчдад зориулсан гэр бүлийн үнэ цэн, хүүхэд хамгаалал, гэмт хэргээс урьдчилан сэргийлэх, сэтгэл зүйн чиглэлээр сургалтуудыг улирал бүр зохион байгуулахаар төлөвлөжээ.

Сум, хороонд ажиллах хүүхэд, гэр бүлийн нийгмийн ажилтныг чадавхжуулах, чиглүүлэх үндэсний хэмжээний сургалтыг орон даяар 2025.02.10-14-ний хооронд бүсчлэн зохион байгуулж байна

Дархан-Уул аймгийн Шатрын холбоо, Хүүхэд, гэр бүлийн хөгжил, хамгааллын газар хамтран “Цодгор хүү” өсвөрийн шатарчдын аймгийн аварга шалгаруулах тэмцээнийг зохион байгуулж байна. Тус тэмцээнд СӨБ болон ЕБС-ын охид, хөвгүүдийн 5,7,9,11 насны ангилалд 121 хүүхэд өрсөлдөж байгаа бөгөөд швейцарь системээр 6-9 өрөг тоглох юм. Тэмцээн Хүүхэд хөгжлийн ордоны их танхимд хоёр өдөр үргэлжилнэ.

“ХАРШИЙН СҮЛД МОДНЫ НААДАМ” –ын үеэр Дархан-Уул аймгаас “Монгол Улсын 2024 ОНЫ ОНЦЛОХ ХҮҮХЭД”-ээр шалгарсан сурагчдад хүндэтгэл үзүүлж ШАГНАЛАА. Оны онцлох хүүхдүүдийг: ➢ Техник сэтгэлгээ, шинэ санал, санаачилга, бүтээлч байдал төрөл ➢ Сурлагын амжилт төрөл ➢ Урлаг уран бүтээл төрөл ➢ Биеийн тамир, спорт төрөл ➢ Монгол ёс, түүх, соёлыг өвлөн уламжлагчтөрөл ➢ Байгаль хамгаалал, эрүүл аюулгүй орчин төрөл ➢ Хүмүүнлэг, энэрэнгүй сайн үйлс төрөл ➢ Хүүхдийн оролцооны өөрийн удирдлагын байгууллага төрөл ➢ Багийн амжилт төрөл гэсэн нийт 9 номинацид шалгаруулж дараах сурагчид тодорсон юм. Дархан-Уул аймгаас Монгол Улсын “Оны онцлох хүүхэд”-ээр 7 номинацид 9 хүүхэд шалгарсан юм.

Эцэг эх, асран хамгаалагч нарт хүүхдээ хүмүүжүүлэхэд нь өдөр бүр олон асуудал, сорилт, бэрхшээл тулгардаг. Тэдэнд эдгээр асуудал, бэрхшээлийг хэрхэн, яаж шийдэх талаар зөвлөгөө, тусламж дэмжлэг хэрэгтэй байдаг билээ. Тиймээс эцэг, эхчүүдэд хүүхдээ эерэг аргаар хүмүүжүүлэхэд нь туслах “Өдөр тутам хэрэглэх хүмүүжлийн эерэг арга” сургалт зохион байгуулах чиглүүлэгч багш нарыг бэлтгэж байгаа юм.

Аймгийн Хүүхэд, гэр бүлийн хөгжил, хамгааллын газар, Гэрлэх ёслолын өргөөтэй хамтран залуу гэр бүлийн боловсролыг дэмжих зорилгоор өнөөдөр Гэр бүлийн үнэ цэн сургалтыг аймгийн Гэрлэх ёслолын өргөөнд зохион байгуулж байна. Сургалтад Дархан төмөрлөгийн үйлдвэр ТӨХК-ий ажилтан, тэдний гэр бүлийн гишүүд оролцлоо. Сургалтаар: Бат бөх гэр бүлийг үүсгэх нандин харилцааны тухай Жаргалтай гэр бүлийн үнэ цэн Монгол өв уламжлал, ёс заншлаа судлах Гэр бүлийн харилцаа, сэтгэл зүй, нийгэмд эзлэх байр суурь, гэр бүл төлөвлөлтийн талаар зөвлөгөө мэдээлэл хүргэлээ. Сургалтыг гэр бүл судлаач, Жаргалант Дархан ТББ-ын тэргүүн, лектор М.Дэмбэрэлмаа чиглүүлэн зохион байгуулав.

Дархан-Уул аймгийн Хүүхэд, гэр бүлийн хөгжил, хамгааллын газарт 2020 онд “Хүүхдээс мэдүүлэх авах өрөө”-г нээсэн. Тус өрөөг гэмт хэрэгт холбогдсон, гэмт хэргийн гэрч, хохирогч болсон насанд хүрээгүй хүүхдээс мэдүүлэг авахад зориулан тусгайлан тохижуулснаар хүүхэд мэдүүлэг өгөхдөө сэтгэл санааны хувьд тайван байх, айж сандрахгүй ярих, улмаар өөртөө хэрэгтэй хамгааллын үйлчилгээг авах боломжтой болсон юм.

Хүүхдийн утас 108 дугаарт 7 хоногт 10-11, улиралд 130 орчим дуудлага ирдэг. Ихэвчлэн хүүхдүүд сургуулийн орчинд үе тэнгийн дээрэлхэлтэд өртсөн, эцэг эх, саран хамгаалагчид нь үл хайхрах болон хүүхдийн хажууд архидан согтуурсны улмаас сэтгэл санааны, бие махбодын хүчирхийлэлд өртсөн гэх дуудлага мэдээлэл ирдэг байна. Мөн сургуулийн орчинд багш нарын харилцаа хандлага, ялгаварлан гадуурхалтаас шалтгаалан хүүхэд сэтгэл зүйн дарамтад орох явдал байсаар байгааг Хүүхэд, гэр бүлийн хөгжил, хамгааллын газрын мэргэжилтнүүд хэлж байна.

Жендэрт суурилсан хүчирхийлэлтэй тэмцэх 16 хоногийн аян нь жил бүрийн 11 дүгээр сарын 25-наас 12-р сарын 10-ны өдрүүдэд тохиодог бөгөөд манай улсад 1997 оноос эхлэн Хүчирхийллийн Эсрэг Үндэсний Төвөөс анх энэхүү аяныг зохион байгуулан эхлүүлж, түүнээс хойш НҮБ-ын Хүн амын сан, Засгийн газрын байгууллагууд, НҮБ-ын төрөлжсөн байгууллагууд, хөгжлийн түншүүд, иргэний нийгмийн байгууллагууд тус санаачилгад нэгдэж жил бүр тэмдэглэн өнгөрүүлж байна.Дэлхий нийтийн дэвшүүлж буй 2024 оны уриа нь “Охид, эмэгтэйчүүдийн эсрэг хүчирхийллийг таслан зогсооход нэгдье” бөгөөд Монгол Улс “ОХИД ЭМЭГТЭЙЧҮҮД ХААНА Ч АЮУЛГҮЙ-Шалтаг бүү тооч” нэрийн дор аяныг зохион байгуулж байна.

1989 оны 11-р сарын 20-ны өдөр дэлхий дахинд 18 хүртлэх насны бүх хүмүүсийн эрхийг хамгаалсан олон улсын эрхзүйн үндсэн баримт бичиг болох НҮБ-ын Хүүхдийн Эрхийн тухай Конвенц батлагдсан юм.Хүүхдийн Эрхийн тухай Конвенц батлагдсан энэ өдрийг Дэлхийн хүүхдийн Эрхийн өдөр хэмээн улс орнууд тэмдэглэдэг. Энэ өдөр дэлхий даяар эв нэгдлийг сурталчлах, дэлхийн өнцөг булан бүрт амьдарч буй хүүхдүүдэд тулгардаг бэрхшээлийг ойлгож ухамсарлах, бүх хүүхдийн сайн сайханд хувь нэмэр оруулах өдөр юм.

Хүүхдийн ялгаварлан гадуурхлыг бууруулах, үе тэнгийн дээрэлхэлтээс урьдчилан сэргийлэх “Найз байя” нөлөөллийн сарын аян үргэлжилж байна. Өнөөдрийн байдлаар ерөнхий боловсролын сургуулийн бага, дунд, ахлах ангийн 2082 сурагчдад “ Үе тэнгийнхний дээрэлхэлтээс, өөрийгөө найзыгаа хамгаалаарай”, “Өсвөр насны хүүхэд өөрийн сэтгэл зүйн онцлогоо танин мэдэх нь”, “Өсвөр насныханд зориулсан аюулгүйн дүрэм”, “Хүүхэд хамгааллын тухай хуулийн шинэчилсэн найруулгын танилцуулга” гэсэн агуулгын хүрээнд сургалтыг хүргэлээ.

Дэлхийн 100 гаруй оронд тэмдэглэн өнгөрүүлдэг “Сансрын долоо хоног” арга хэмжээ Монгол улсад 3 дахь удаагаа 21 аймагт 2024 оны 10 дугаар сарын 4 ны өдөр нэгэн зэрэг нээлтээ хийж 7 хоногийн турш үргэлжиллээ. Энэ жил “Сансар ба Уур амьсгалын өөрчлөлт” сэдвийн хүрээнд тэмдэглэн өнгөрүүлж байгаа бөгөөд Дархан-Уул аймгийн Хүүхэд, гэр бүлийн хөгжил хамгааллын газар амжилттай зохион байгуулан сургуулийн өмнөх болон ерөнхий боловсролын сургуулийн 1500 гаруй сурагчдыг оролцуулсан байна.

🚀🚀🚀🚀Маргааш Дэлхийн сансрын 7 хоног арга хэмжээ нээгдэж монгол орны өнцөг булан бүрд хүүхдүүд сансар огторгуй, шинжлэх ухаанаар амьсгалах болно. Урьд нь хэзээ ч бид ингэж улс орон даяараа шинжлэх ухааны төлөө нэгдэж байгаагүй билээ. Та гэр бүлээрээ, хүүхдүүд ангиараа заавал сансрын 7 хоногийг зорин ирж бидэнтэй нэгдэж шинжлэх ухааны нэг хэсэг болоорой. Хүүхэд, Гэр бүлийн хөгжил, хамгааллын газар

✅Өнөөдөр (2024.10.03) “Би хүүхдэд ээлтэй хариуцлагатай жолооч” арга хэмжээг аймгийн Хүүхэд, Гэр бүлийн хөгжил, хамгааллын газар, Авто тээврийн төв, Эрүүл мэндийн газар хамтран зохион байгуулж такси үйлчилгээний 58 жолоочид Хүүхэд хамгааллын тухай хуулийг сурталчлан таниулах сургалтыг зохион байгууллаа.

✅“Эрсдэлгүй Дархан” аяны хүрээнд Хүүхдийн эрхийн тухай хуулийн 9 дүгээр зүйлийн 9.1.5 дахь заалт хүүхэд өсвөр үеийнхэнд эрүүл мэнд болон өөрийгөө хамгаалах, амьдрах арга ухааны дадал, чадвар эзэмшүүлэх зорилготой “Үе тэнгийн-эерэг нөлөөлөгч” сургагч багш бэлтгэх тусгай хөтөлбөрийг 5 дугаар сард зохион байгуулан Дархан-Уул аймгийн 25 ерөнхий боловсролын сургуулийн 6-12 дугаар ангийн 715 сургагч багшийг бэлтгэж батламж гардуулжээ

Тус сургалтын зорилго нь хүүхдийн эрүүл аюулгүй орчинд амьдрах, хөгжих, хамгаалуулах, нийгмийн харилцаанд оролцох эрхийг хангах, хамтарсан багаас үзүүлэх хүүхэд хамгааллын үйлчилгээний чанар хүртээмжиг нэмэгдүүлэх, хамтарсан багийн гишүүдийг чадавхижуулах үндсэн зорилгын хүрээнд тус сургалтыг аймгийн Хүүхэд, Гэр бүлийн хөгжил, хамгааллын газраас зохион байгууллаа. Сургалтын хүрээнд хамтарсан багийн гишүүдийн дунд кейс дээр дадлага ажлыг гүйцэтгэх, хүүхэд хамгааллын төсвийн санхүүжилтын талаар мэдлэгийг нэмэгдүүлэх, хувийн хэргийн маягт бөглөх аргачлалыг сайжруулах зэрэг онол, практикыг хослуулсан, хамгийн гол нь мэдээллийг цогцоор нь олгож чадсан үр дүн бүхий сургалт боллоо.

Өнөөдөр ”Үе тэнгийн дээрэлхэлт”, “Эрсдлээс өөрийгөө хамгаалах нь” сэдэвт сургалт хичээлийг аймгийн Хүүхэд, гэр бүлийн хөгжил, хамгааллын газрын хүүхдийн эрхийн улсын байцаагч А.Мягмаржаргал, Хүүхдийн хөгжил, оролцооны мэргэжилтэн П.Сувдмаа нар Хонгор сумын ерөнхий боловсролын сургуулийн ахлах ангийнханы дунд зохион байгууллаа

Хүүхдийн төлөө Үндэсний зөвлөлийн 2018 оны 12 дугаар сарын 03-ны өдрийн хуралдааны 03 тоот тогтоолын дагуу Байгууллагын эцэг эхийн зөвлөлийг байгуулах тухай 2024 оны 09 дүгээр сарын 09-ний хамт олны хурлаар хэлэлцэж 5 гишүүнтэй байгууллаа.

https://legalinfo.mn/mn/detail/11710

Дархан-Уул аймийн Засаг даргын 01-А/357 захирамжийн дагуу төрийн өмчийн ерөнхий боловсролын сургууль, сургуулийн өмнөх боловсролын байгууллага, мэргэжлийн боловсролын сургуулийн байгууллагуудын 2024-2025 оны хичээлийн шинэ жилийн бэлэн байдал, өвөлжилтийн бэлтгэл, орчны аюулгүй байдалд үнэлгээ хийх, хяналт тавих, дүгнэлт гаргах, эрсдлээс урьдчилан сэргийлэх зорилгоор аймгийн ЗДТГ-ын Нийгмийн бодлогын хэлтсийн дарга Н.Цасчихэрээр ахлуулсан ажлын хэсэг байгуулагдан дараах чиглэлийн дагуу ажиллаж байна.

Бидний Манлайлал-Бидний Сайн Сайхан”

Намрын дунд сарын шинийн 17-ны Баялжинням, Дашнямтай билэгт сайн өдөр Дархан-Уул аймагт 13 хос шинээр гал голомтоо бадраалаа.

ТӨВИЙН БҮСИЙН ХҮҮХДИЙН ЧУУЛГАН ДАРХАН-УУЛ АЙМГИЙН ЗУЛЗАГЫН ГОЛ ХҮҮХДИЙН ЗУСЛАНД ЗОХИОН БАЙГУУЛАГДАЖ БАЙНА

"НЭГ ЗАЛУУ - НЭГ АЛХАМ" ЗОРИЛТОД АЖЛЫН ХҮРЭЭНД ЗАЛУУ ГЭР БҮЛИИЙГ ӨРГӨӨ ЦАГААН ГЭРТЭЙ БОЛГОЛОО

ОЛОН УЛСЫН ГЭР БҮЛИЙН ӨДӨР

НЭГДҮГЭЭРТ ХҮҮХЭД

НЭГДҮГЭЭРТ ХҮҮХЭД

НЭГДҮГЭЭРТ ХҮҮХЭД